Ermənistan MN-dən qəribə açıqlama: "Təmas xəttindəki hərbçilərinə nəzarət edə bilmir"
Ermənistan Müdafiə Nazirliyindən bu günlərdə bildirilib ki, ara-sıra “havaya açılan atəşləri” atəşkəsin pozulması kimi qiymətləndirmir və bu guya təhlükə yaratmır. Məlum olduğu kimi, son günlərə qədər Ermənistan hərbi təxribatlarını yenidən intensivləşdirmişdi. Bu, regionda yeni eskalasiya ehtimalını artırırdı. Son günlər isə "silahlar susub".
Ermənistan Müdafiə Nazirliyinin bəyanatını Crossmedia.az-a şərh edən politoloq Elxan Şahinoğlu bildirib ki, bu, nonsensdir: " Bu bəyanatı belə də oxumaq olar: “Ermənistan hərbçiləri əmrə tabe olmayaraq ara-sıra havaya atəş açırlarsa, bu atəşkəsin pozulması demək deyil”. Kim zəmanət verə bilər ki, “havay açılan atəş” Azərbaycan mövqelərinə tuşlanmır? Əslində Ermənistan Müdafiə Nazirliyinin yeni bəyanatı “atəşkəs pozulmur” bəyanatının inkarıdır. Belə çıxır ki, Ermənistan Müdafiə Nazirliyi təmas xəttindəki hərbçilərinə nəzarət edə bilmir. Bunu baş nazir Nikol Paşinyan da bir neçə gün əvvəl “Müdafiə Nazirliyinə tapşırmışam ki, atəşkəs rejimini pozmasınlar” ifadəsi ilə etiraf etmişdi.
Kənan Novruzov
13:15 26.03.2025
Oxunuş sayı: 16963
