Fransada küçələr qarışdı, iqtisadiyyata milyardlıq zərbə dəydi
Fransada baş verən kütləvi iğtişaşlar nəticəsində sığorta şirkətlərinin üzləşəcəyi maliyyə itkilərinin 1,2 milyard avroya çatacağı proqnozlaşdırılır.
Crossmedia.az xəbər verir ki, “Morningstar DBRS” beynəlxalq reytinq agentliyi bu barədə qiymətləndirmə yayıb.
Agentliyin hesablamalarına əsasən, iğtişaşlar nəticəsində sığortalanmış əmlaka dəyən zərər 1–1,2 milyard avro arasında ola bilər.
Ölkə üzrə 3 mindən çox kommersiya müəssisəsi iğtişaşlar zamanı dağıntı və talanlardan zərər çəkib. Zərərçəkənlər arasında iri ticarət şəbəkələri, lüks brendlərin mağazaları və kiçik sahibkarlıq obyektləri də var.
“Financial Times” nəşrinin məlumatına görə, iğtişaşlar Fransada son illərin ən böyük maliyyə itkilərinə səbəb olan kütləvi qarşıdurmalarından birinə çevrilə bilər.
Bildirilir ki, zorakılıq halları davam edərsə, sığorta şirkətlərinin və sahibkarların maliyyə itkiləri daha da arta bilər.
11:10 21.10.2026
Oxunuş sayı: 132
