SAP Avropanın ən dəyərli şirkəti oldu
Alman texnoloji nəhəngi SAP SE bazar dəyərinə görə Danimarka dərman istehsalçısı Novo Nordisk-i geridə qoyaraq Avropanın ən böyük birjada satılan şirkəti olub.
Crossmedia.az xarici mediaya əsasən bildirir ki, baş ofisi Baden-Vürtemberq ştatının Walldorf şəhərində yerləşən proqram təminatı şirkətinin səhmləri Frankfurt birjasında səhər ticarətində 1 faizdən çox bahalaşıb və son bir ildə 40 faiz artıb. Bunun nəticəsində SAP-ın bazar dəyəri təxminən 312 milyard avroya yüksəlib.
Bu xəbərlər şirkətin səhmlərinin dəyər itirməsinə səbəb olub və 2024-cü ilin əvvəlindən bəri Novo Nordisk səhmləri təxminən 16% dəyər itirib.
Digər tərəfdən, SAP süni intellektlə gücləndirilmiş bulud əsaslı abunə xidmətlərinə fokuslanaraq böyük gəlir artımı vəd edir. Bu strategiya investorların inamını artırıb və JPMorgan şirkətin səhmlərini “cəlbedici alış imkanı” kimi qiymətləndirib. Bankın analitikləri SAP səhmləri üçün 300 avro hədəf qiyməti müəyyən ediblər.
Zəhra Ağayeva
22:30 24.03.2025
Oxunuş sayı: 8118
