“Qalatasaray” Avropada 115-ci fərqli rəqibi ilə qarşılaşacaq
Türkiyənin “Qalatasaray” klubu Avropa turnirlərində 115-ci fərqli rəqibi olan Fransanın “Lill” komandası ilə üz-üzə gələcək.
Crossmedia.az xəbər verir ki, bu barədə Türkiyə mətbuatı məlumat yayıb.
1956/1957 mövsümündən Avropa yarışlarında iştirak edən İstanbul təmsilçisi indiyədək 37 ölkənin 114 fərqli komandası ilə qarşılaşıb.
“Qalatasaray” Avropa turnirlərində keçirdiyi 342 oyunun 121-də qələbə qazanıb, 131-də məğlub olub, 90 görüşdə isə heç-heçə edib.
Türkiyə təmsilçisi bu qarşılaşmalarda rəqib qapılarından 470 top keçirib, öz qapısında isə 525 qol görüb.
Beləliklə, “Lill” İstanbul klubunun Avropa arenasında qarşılaşacağı 115-ci fərqli komanda olacaq.
15:23 21.10.2026
Oxunuş sayı: 49
