Putin BƏƏ-yə Ukrayna üzrə vasitəçiliyə görə təşəkkür edib
Rusiya Prezidenti Vladimr Putin və Birləşmiş Ərəb Əmirliklərinin Prezidenti Məhəmməd bin Zayed Əl Nəhyan arasında telefon danışığı baş tutub.
Crossmedia.az xəbər verir ki, Putin BƏƏ-nin Rusiya və Ukrayna arasında əsir mübadiləsində oynadığı vasitəçi rola görə Əbu-Dabiyə minnətdarlığını bildirib.
“Söhbət zamanı Rusiya tərəfi Ukrayna ilə əsir mübadiləsinin həyata keçirilməsində BƏƏ-nin fəal vasitəçilik səylərinə görə təşəkkürünü ifadə edib”, – Kremlin açıqlamasında qeyd olunub.
Bundan əlavə, liderlər Rusiya və ABŞ arasında Ukrayna münaqişəsinin sülh yolu ilə həlli və Moskva-Vaşinqton münasibətlərinin normallaşdırılması üçün aparılan dialoqu müzakirə ediblər.
“Məhəmməd bin Zayed Əl Nəhyan Rusiya və ABŞ-ın bu istiqamətdəki səylərini dəstəklədiyini bildirib və hazırda Ər-Riyadda keçirilən ekspert görüşlərini alqışlayıb”, – Kremlin məlumatında deyilir.
Fidan Xəlilova
20:36 24.03.2025
Oxunuş sayı: 12302
