Macarıstan Gürcüstan hökumətinə dəstəyini davam etdirəcək
Macarıstan Gürcüstan hökumətinə dəstəyini davam etdirəcək və Avropa İttifaqının ona qarşı tətbiq etdiyi siyasi təzyiqlərə, o cümlədən sanksiyalara qarşı çıxacaq.
Crossmedia.az xəbər verir ki, bu barədə Macarıstanın Xarici İşlər və xarici iqtisadi əlaqələr naziri Peter Sijarto sosial şəbəkə hesabında yazıb.
Nazir bildirib ki, Aİ-nin "ikili standartları" ən açıq şəkildə Gürcüstana münasibətdə tətbiq olunur. Onun sözlərinə görə, Gürcüstanda "vətənpərvər, konservativ və sülh tərəfdarı olan bir hökumət fəaliyyət göstərir" və məhz buna görə Brüssel ona qarşı müxtəlif məhdudiyyətlər tətbiq edir.
Sijarto hesab edir ki, "ABŞ-nin yeni administrasiyasının siyasəti Brüsseldəki siyasi elitanı çarəsiz vəziyyətə salıb və onlar son gücləri ilə vətənpərvər hökumətləri çətin vəziyyətə salmağa çalışırlar".
"Biz buna imkan verməyəcəyik və milli maraqlarımızı müdafiə etməyə davam edəcəyik", - deyə Macarıstanın x/Xarici İşlər naziri vurğulayıb.
Qeyd edək ki, Macarıstan bundan əvvəl Gürcüstanda “Xarici təsirin şəffaflığı haqqında” qanunun qəbul edilməsindən sonra Aİ-nin bu ölkəyə qarşı tətbiq etdiyi bir sıra sanksiyaları dəstəkləməyib.
Xumar Emilqızı
17:18 24.03.2025
Oxunuş sayı: 9177
