Rusiya XİN: Vaşinqton və Moskva arasında Ər-Riyaddakı danışıqlar yaradıcı şəkildə keçir
Səudiyyə Ərəbistanının paytaxtı Ər-Riyadda Rusiya-ABŞ ekspert məsləhətləşmələri davam edir. Görüş yaradıcı şəkildə keçir, kifayət qədər aktual mövzuların maraqlı müzakirəsi gedir.
Crossmedia.az-ın “İnterfaks”a istinadən verdiyi məlumata görə, bunu Rusiya nümayəndə heyətinin üzvü, Federasiya Şurasının beynəlxalq məsələlər üzrə komitəsinin sədri Qriqori Karasin bildirib.
"Hər danışıq mütləq böyük sənədlər və razılaşmalarla nəticələnmir. Əsas olan daim əlaqə saxlamaq və bir-birinin nöqteyi-nəzərini anlamaqdır. Bu, alınır", - Q.Karasin hər hansı razılaşmalara nail olunub-olunmayacağı ilə bağlı suala cavabında deyib.
Qeyd edək ki, Rusiya tərəfindən ekspert danışıqlarında Federal Təhlükəsizlik Xidməti direktorunun müşaviri Sergey Beseda da iştirak edir.
Saat 11:00-da (Bakı vaxtı ilə) başlayan Rusiya-ABŞ danışıqlarında hazırda fasilə elan edilib.
16:50 24.03.2025
Oxunuş sayı: 1099
