Xarici xəbərlər
Çin Ukraynaya sülhməramlı qüvvə göndərilməsi ilə bağlı iddiaları təkzib etdi
Çin Xarici İşlər Nazirliyi rəsmilərinin Ukraynada münaqişə bitdikdən sonra ölkəyə sülhməramlı missiya göndərilməsi məsələsini müzakirə etdiyinə dair iddiaları rədd edib.
Crossmedia.az xəbər verir ki, bu barədə nazirliyin sözçüsü Qo Cziakün mətbuat konfransında bildirib.
“Qeyd etmək istəyirəm ki, bu barədə yayılan məlumatlar tamamilə əsassızdır”, – deyə Çinli diplomat vurğulayıb.
Qeyd edək ki, bundan əvvəl Almaniyanın Welt am Sonntag nəşri mənbələrə istinadən Çinin Avropa İttifaqı ilə birlikdə Ukraynada mümkün sülhməramlı missiyada iştirakını dəyərləndirdiyini yazmışdı.
Xumar Emilqızı
16:20 24.03.2025
Oxunuş sayı: 7748
