Qazaxıstanın baş naziri: "2019-cu ildən Orta Dəhlizlə tranzit daşımalar 6 dəfə artıb"
2019-cu ildən Transxəzər Beynəlxalq Nəqliyyat Marşrutu (TBNM, Orta Dəhliz)) ilə tranzit daşımalar 6 dəfə artaraq 4,5 milyon tona çatıb.
Crossmedia.az xəbər verir ki, bunu ölkənin baş naziri Oljas Bektenov bildirib.
Onun sözlərinə görə, bu, nəqliyyat infrastrukturunun modernləşdirilməsi istiqamətində həyata keçirilən işlər sayəsində mümkün olub.
"Orta Dəhlizlə Qazaxıstan məhsullarının ixrac həcmi isə 12 dəfə artıb", - deyə hökumət başçısı qeyd edib.
Onun sözlərinə görə, Qazaxıstanın paytaxtından TBNM-ə qədər Astana-Arkalık-Turqay-İrgiz avtomobil yolunun tikintisi marşruta əlavə təkan verəcək.
"2019-cu ildən bəri TBNM vasitəsilə dəniz nəqliyyatı ilə daşımalar son altı ildə 20 % artıb", - deyə O.Bektenov əlavə edib.
10:24 17.03.2025
Oxunuş sayı: 675
