BDU-da “Günəbaxan” jurnalının və “Məbəd” esselər toplusunun təqdimat mərasimi keçirilib
Bakı Dövlət Universitetində (BDU) Jurnalistika fakültəsinin tələbələri tərəfindən hazırlanan “Günəbaxan” uşaq jurnalının və fakültənin məzunu Əsgər İsmayılovun “Məbəd” esselər toplusunun təqdimat mərasimi keçirilib.
Tədbirdə tanınmış media nümayəndələri və fakültənin müəllim-tələbə heyəti iştirak edib.
Jurnalistika fakültəsinin dekanı Vüqar Əliyev, Milli mətbuat tarixi kafedrasının müdiri, professor Cahangir Məmmədli “Günəbaxan” jurnalının əhəmiyyətindən danışaraq, tələbələrin təşəbbüsü ilə belə bir layihənin icrasının təqdirəlayiq olduğunu bildiriblər. Fakültənin məzunu Əsgər İsmayılovun “Məbəd” esselər toplusunun BDU-nun 105, fakültənin 55 illik yubileylərinə böyük töhfəsi olduğunu diqqətə çatdırıblar.
Daha sonra “Günəbaxan” jurnalının yaradıcı heyəti – Ayhan Ağarzayev, Nəzakət Sadıqova, Mahmud Əskərli, Fərhad Musayev, Fatimə Əsədzadə və Əli Əhmədov nəşrin ideyası, hazırlanma prosesi və məzmunu haqqında geniş məlumat veriblər.
17:00 13.03.2025
Oxunuş sayı: 385
