Rusiyanın Ukraynaya hücumlarında itkilər artır
Rusiya ordusunun Ukraynanın şərqinə gecə saatlarında həyata keçirdiyi hücumlar nəticəsində ölənlərin sayı 20-yə çatıb.
Crossmedia.az xarici KİV-ə istinadən xəbər verir ki, Donetsk vilayətinin Dobropillia qəsəbəsinə ballistik raket zərbəsi endirilməsi nəticəsində daha 6 nəfər həlak olub, 8 nəfər isə yaralanıb.
Donetsk qubernatoru Vadim Filaşkinin sözlərinə görə, ümumilikdə vilayətdə ölənlərin sayı 17-yə, yaralıların sayı isə 38-ə yüksəlib.
Hücumlar zamanı çoxsaylı yaşayış evləri, mağazalar, inzibati binalar və qaz xətləri zədələnib.
Bundan əlavə, Xarkov vilayətinin Boqoduxiv şəhərində Rusiyanın pilotsuz təyyarə ilə mülki binaya endirdiyi zərbə nəticəsində daha 3 nəfər həyatını itirib.
Qeyd edək ki, gecə baş verən hücumlar, Ukrayna prezidenti Vlodimir Zelenskinin ABŞ-lə "sülhü sürətləndirməyə" çalışdığını bəyan etməsindən sonra həyata keçirilib.
Aybəniz Səfərova
19:34 08.03.2025
Oxunuş sayı: 11993
