Hugging Face mütəxəssisi: Süni intellekt yaradıcılıqdan uzaqlaşır
Hugging Face şirkətinin həmtəsisçisi və baş elmi işçisi Thomas Wolf, süni intellektin yaradıcı problemləri həll etmək bacarığını itirməsindən narahat olduğunu bildirib. O, bu barədə X platformasında dərc etdiyi essedə yazıb.
Crossmedia.az xarici mediaya istinadən xəbər verir ki, Wolf-un sözlərinə görə, hazırkı süni intellekt inkişaf paradiqmaları kənardan düşünmə və yaradıcı problem həll etmə bacarıqlarına sahib sistemlər yaratmağa imkan vermir. O, əgər bu sahədə fundamental irəliləyişlər olmazsa, süni intellektin sadəcə "serverlərdə bəli-deyənlərə" çevriləcəyini qeyd edib.
Mütəxəssis həmçinin insanların Nyuton və ya Eynşteyn kimi dahiləri sadəcə yaxşı tələbələrin inkişaf etmiş versiyası kimi görməsinin səhv olduğunu vurğulayıb. Onun fikrincə, dahilik yalnız mükəmməl tələbələri sistemli şəkildə böyütməklə əldə edilmir.
Wolf-un açıqlamaları, süni intellekt sahəsindəki mövcud yanaşmaların effektivliyi ilə bağlı müzakirələri yenidən gündəmə gətirib.
Zeynəb Yunuszadə
16:15 08.03.2025
Oxunuş sayı: 3488
