Xarici xəbərlər

İranın Dağıstanda nüfuzu artır

İranın Dağıstanda nüfuzunu artırdığı və "yumşaq güc" tətbiq etdiyi Special Eurasia analitik mərkəzinin hesabatında qeyd olunur.

Crossmedia.az xəbər verir ki, İranın regiondakı təsirinin güclənməsi Ukraynadakı müharibənin başlanğıcından etibarən Tehran və Mahaçqala arasında ticarət dövriyyəsinin 3 dəfədən çox artması ilə əlaqələndirilir. Bundan əlavə, Xəzər dənizindəki limanlar və Dağıstan İranın sanksiyalardan yan keçmək üçün yaratdığı logistik şəbəkənin əsas halqasına çevrilib və İranın gəmiçilik və neft şirkətlərinin maraqları naminə istifadə olunur.

Bundan başqa, İran regionda təsirini genişləndirmək üçün dini və təhsil sahəsini aktiv şəkildə istifadə edir, öz islam mərkəzlərini və dilini təşviq edir. İranın əsas dini cərəyanı olan şiəlik Dağıstan əhalisinin cəmi 5%-i tərəfindən qəbul edilsə də, Mahaçqalada və digər bölgələrdə şiə assosiasiyası “Əhlül-Beyt” fəaliyyət göstərir. Bu təşkilat Dağıstan, Çeçenistan və Stavropol diyarında dini mərkəzlər, universitetlər və kitabxanalar vasitəsilə İran ədəbiyyatı və jurnallarını yayır.

🖨 Çap et

13:22 08.03.2025

Oxunuş sayı: 3615