Spiker: Baltikyanı ölkələr Gürcüstanda hakimiyyət dəyişikliyinə çalışır
Bunu Gürcüstan parlamentinin sədri Şalva Papauaşvili jurnalistlərə açıqlamasında deyib.
Crossmedia.az xəbər verir ki,o, hər üç ölkənin Gürcüstan hökuməti əleyhinə fəaliyyət göstərən müxtəlif təşkilatlara, eləcə də müxalifətə platforma təşkil etdiyini qeyd edib.
“Biz görürük ki, hazırda Avropa İttifaqının üzvü olan üç keçmiş sovet respublikası - Baltikyanı ölkələr Gürcüstanın qanuni hakimiyyətini dəyişmək cəhdində birbaşa iştirak edirlər. Hazırda xüsusilə də sabitliyin pozulmasına ayrılan vəsaitlər dayandırılıb. Hakimiyyət dəyişikliyində daha təcrübəli olan USAID, NED və digər bu kimi təşkilatlar tərəfindən edilənlər əsasən gizli, dolayı yolla həyata keçirilirdi. Bu gün biz hazırda Avropa İttifaqının üzvü olan üç keçmiş sovet respublikası hökumətinin Gürcüstanın legitim hakimiyyətinin dəyişdirilməsində birbaşa iştirak etdiyini görürük. Mən Baltikyanı ölkələri nəzərdə tuturam. Biz görürük ki, onlar həm Gürcüstan müxalifətinə, həm də "Beynəlxalq şəffaflıq - Gürcüstan" və digər qeyri-hökumət təşkilatlarına hərtərəfli platforma təmin ediblər. Estoniya QHT-ləri bu gün gürcü xalqı adından bizimlə danışır", - Papuaşvili bildirib.
Spiker bütün bunların hər üç Baltikyanı ölkənin hökumətinin yekun məqsədinin Gürcüstanda hakimiyyət dəyişikliyi olduğunu sübut etdiyini qeyd edib.(Apa)
13:13 07.03.2025
Oxunuş sayı: 7012
