Küveyt: "İran Beynəlxalq Atom Enerjisi Agentliyi qarşısında öhdəliklərini yerinə yetirməlidir"
Küveytin Avstriyadakı daimi nümayəndəliyinin üzvü Əli Behbəhani Beynəlxalq Atom Enerjisi Agentliyinin Rəhbərlər Şurası qarşısında çıxışında Nüvə Silahlarının Yayılmaması Müqaviləsi çərçivəsində hərtərəfli təminatların həyata keçirilməsində agentliyin rolunun vacibliyini vurğulayıb.
O, habelə regional və beynəlxalq təhlükəsizlik və sabitliyin təmin olunması üçün bütün ölkələrin beynəlxalq müqavilələrə əməl etməsinin vacibliyini bildirib.
Crossmedia.az bu barədə xarici mənbələrə istinadən məlumat verir.
Fevral ayında Beynəlxalq Atom Enerjisi Agentliyi xəbərdarlıq etmişdi ki, İran zənginləşdirilmiş uran ehtiyatını 60 faizə çatdırıb ki, bu da nüvə silahı yaratmaq üçün lazım olan 90 faizlik həddə yaxındır.
11:27 07.03.2025
Oxunuş sayı: 1348
