Tramp ABŞ hökumətində İlon Maskın səlahiyyətlərini məhdudlaşdırdı
ABŞ Prezidenti Donald Tramp bəyan edib ki, İlon Mask nazirliklərdə kadr və digər qərarları təkbaşına qəbul etmək hüququna malik deyil.
Crossmedia.az xəbər verir ki, bu barədə xarici KİV yazıb.
Məlumata görə, Tramp yüksəkvəzifəli rəsmilərlə iclas keçirib və bu məsələyə aydınlıq gətirib. Görüşdə hökumətin işinin səmərəliliyini artırmaq üzrə qurumun rəhbəri olan Mask da iştirak edib.
Qeyd edək ki, iclas DOGE-nin hökumət işçilərinə qarşı kütləvi ixtisarlar və təzyiqləri fonunda keçirilib. Qurumun fəaliyyəti məhkəmələrdə ciddi müqavimətə və həm demokratlar, həm də bəzi respublikaçılar tərəfindən tənqidə səbəb olub. Mask qurumunun səhvlərini etiraf edib və prezidentin mövqeyi ilə razılaşıb. Lakin Tramp işdən çıxarılanların vəzifələrinə qaytarılıb-qaytarılmayacığını açıqlamayıb.
Xumar Əhmədova
11:42 07.03.2025
Oxunuş sayı: 10319
