MAQATE rəhbəri: Nüvə silahı ilə bağlı normalar dəyişir
Beynəlxalq Atom Enerjisi Agentliyinin (MAQATE) rəhbəri Rafael Qrossi nüvə silahının istifadəsi ilə bağlı müzakirələrin artdığını və bu mövzudakı normaların getdikcə dəyişdiyini bildirib.
Crossmedia.az xəbər verir ki, bu barədə Bloomberg agentliyi yazıb.
Belə ki, o, müsahibəsində Fransa prezidenti Emmanuel Makronun nüvə silahı ilə bağlı debat aparmaq çağırışına toxunub.
“Bir neçə il əvvəl belə bir müzakirə tabu sayılardı. İndi isə bəzi ölkələrdə bu mövzu açıq şəkildə müzakirə olunur. Mövcud normalar tədricən dəyişir”, – deyə Qrossi qeyd edib.
Xatırladaq ki, Fransa prezidenti Emmanuel Makron Almaniyada kanslerliyə namizəd Fridrix Mertsin çağırışına cavab olaraq Avropa ölkələrinin Fransa nüvə qüvvələrinin qoruması altına alınması ehtimalını müttəfiqlərlə müzakirə edəcəyini bəyan edib.
Fidan Xəlilova
11:35 07.03.2025
Oxunuş sayı: 9240
