Kanada ABŞ mallarına tarifləri təxirə saldı
Kanada hökuməti ABŞ-dən idxal edilən 4 mindən çox məhsula tətbiq olunmalı olan ikinci mərhələ tariflərini aprelin 2-dək təxirə salıb.
Crossmedia.az xəbər verir ki, bu barədə ölkənin maliyyə naziri Dominik Leblan məlumat verib.
"ABŞ USMCA (ABŞ, Meksika və Kanada arasında ticarət sazişi) şərtlərinə cavab verən Kanada ixracına qoyulan tarifləri aprelin 2-dək dayandırmağa razılaşıb. Bunun nəticəsində Kanada da 125 milyard dollar dəyərində ABŞ mallarına tətbiq ediləcək ikinci dalğa tariflərini həmin tarixədək təxirə salır. Hazırda bütün tariflərin ləğvi üzərində çalışırıq", – nazir bildirib.
Qeyd edək ki, bu qərar ABŞ prezidenti Donald Trampın imzaladığı sərəncama cavab olaraq qəbul edilib. Həmin sərəncama əsasən, USMCA çərçivəsinə daxil olan Meksika və Kanada malları aprelin 2-dək 25 faizlik gömrük rüsumlarından azad edilib. Bu rüsumlar qeyri-qanuni immiqrasiya və fentanil izlənməsi ilə bağlı tədbirlər çərçivəsində tətbiq edilirdi.
Fatimə Məmmədova
10:55 07.03.2025
Oxunuş sayı: 7914
