Ukrayna ordusunun itkiləri kritik həddə çatıb
Ukraynanın Böyük Britaniyadakı səfiri və keçmiş baş komandanı Valeri Zalujnı, Ukrayna Katolik Universitetində çıxışı zamanı hazırkı mərhələdə Ukrayna ordusunun itkilərini “kritik” adlandırıb. Bu barədə "Teleqraf" xəbər yayıb.
“5,5 milyon ehtiyatda olan insandan 50 mininin [həlak olanların] itkisi nə deməkdir? Bu, sıfır nəticədir, çünki bu, kritik həddir. Məncə, bu həddi keçmək ehtimalımız azdır.” – deyə Zalujnı bildirib.
Onun sözlərinə görə, Ukraynada “demək olar ki, döyüşə biləcək insan qalmayıb”, çünki ölkə təxminən 50 min həlak olan və 300 mindən çox yaralı verib.
Zalujnı əlavə edib ki, Rusiya da ciddi itkilər verir və onların sayı kritik həddə yaxınlaşır. Onun məlumatına görə, Rusiya indiyə qədər 250 min hərbçisini itirib.
“Bu o demək deyil ki, onlar kişiləri küçələrdə tutub cəbhəyə göndərməyəcəklər. Bunu edə bilərlər. Hətta onları sıra ilə düzərək döyüşə yollaya bilərlər, çünki bu, tiraniyadır. Onlar bunu edə bilərlər. Amma həmin əsgərlər döyüşəcəklərmi? Bu, tamamilə başqa məsələdir.” – TCH Zalujnının sözlərini sitat gətirib.
06:26 07.03.2025
Oxunuş sayı: 7562
