Çin: Ukrayna və Aİ-siz sülh danışıqları ədalətli deyil
Çinin Avropa məsələləri üzrə xüsusi nümayəndəsi Lu Şaye ABŞ və Rusiya arasında Ukraynasız müzakirələrin aparılmasına münasibət bildirib.
Crossmedia.az xəbər verir ki, bu barədə Çin mətbuatı məlumat yayıb.
Belə ki, diplomat bu cür yanaşmanın ədalətli olmadığını vurğulayıb.
Lu Şaye Vaşinqton və Moskvanın müharibənin sülh yolu ilə həlli məsələsini müzakirə etməsini qəbul etsə də, istənilən sülh prosesində bütün maraqlı tərəflərin, o cümlədən Avropa ölkələrinin iştirakının vacibliyini qeyd edib.
“Fərqli həll yolları bərabər şəkildə müzakirə olunmalıdır, seçilmiş tərəflərin diktəsi ilə yox”, – çinli diplomat bildirib.
Qeyd edək ki, Lu Şaye keçmişdə qalmaqallı açıqlamaları ilə gündəmə gəlib. O, 2023-cü ildə keçmiş sovet respublikalarının suverenliyini şübhə altına alaraq Ukrayna, Baltikyanı ölkələr və Aİ-nin kəskin tənqidinə məruz qalıb. Həmçinin, Fransadakı səfirliyi dövründə diplomatik qalmaqallara görə bir neçə dəfə ölkənin Xarici İşlər Nazirliyinə çağırılıb.
Fatimə Məmmədova
19:29 06.03.2025
Oxunuş sayı: 539
