Röyter: Tramp administrasiyası İran tankerlərini dayandırmaq niyyətindədir
ABŞ Prezidenti Donald Trampın administrasiyası kütləvi qırğın silahlarının yayılmasına qarşı mübarizə məqsədi ilə qlobal razılaşma əsasında İranın neft tankerlərinin beynəlxalq sularda dayandırılması və yoxlanılması planını nəzərdən keçirir.
Crossmedia.az xəbər verir ki, bu barədə Röyter agentliyi məlumat yayıb.
Məlumata görə, bu, İranın neft ixracını sıfıra endirmək və Tehranın nüvə silahı əldə etmək imkanlarını məhdudlaşdırmaq üçün Trampın “maksimum təzyiq” siyasətinin bir hissəsidir.
Agentlik qeyd edib ki, tankerlərin dayandırılması İran neftinin zavodlara çatdırılmasını gecikdirəcək və neft ticarətində iştirak edən tərəfləri sanksiyalara və beynəlxalq təzyiqlərə məruz qoyacaq.
Nəzrin Salmanova
18:59 06.03.2025
Oxunuş sayı: 4311
