Hakan Fidan: ABŞ-nin mövqeyi bizi birləşməyə vadar edir
Türkiyənin xarici işlər naziri Hakan Fidan ABŞ prezidentinin son addımlarını “həyəcan siqnalı” adlandırıb və bunun ölkələri birləşməyə, öz təhlükəsizlik sistemlərini yaratmağa vadar etdiyini bildirib.
Crossmedia.az xəbər verir ki, bu fikirləri o, "Financial Times" qəzetinə müsahibəsində səsləndirib.
Fidan NATO-nun gələcəyinin sual altında olduğunu vurğulayaraq, əgər alyans dağılarsa, Türkiyənin Avropanın yeni təhlükəsizlik memarlığının bir hissəsi olmaq istədiyini qeyd edib.
“Cinin artıq şüşədən çıxdığını və onu geri qaytarmaq mümkün olmadığını görürük. Hətta əgər prezident Tramp indi Avropadan çıxmamağa qərar versə belə, gələcəkdə onunla eyni baxış və siyasi ideyalara sahib başqa biri Amerikanın Avropanın təhlükəsizliyinə verdiyi töhfəni azaltmaq qərarına gələ bilər,” – deyə Türkiyənin XİN rəhbəri bildirib.
Pərvin Hacıyeva
18:41 06.03.2025
Oxunuş sayı: 10138
