Viktor Orban Makronu tənqid edərək Marin Le Peni dəstəklədi
Macarıstanın Baş naziri Viktor Orban Fransanın müxalifət lideri və "Milli Birlik" partiyasının sədri Marin Le Penlə görüşüb. Görüşdən sonra Orban sosial şəbəkədə paylaşım edərək Le Peni "gələcək prezident" adlandırıb.
"Fransanın keçmiş və indiki prezidentləri ilə görüşdən sonra gələcək prezidentlə tanış olmaq xoş oldu. Bu məzmunlu söhbət üçün təşəkkür edirəm", – deyə o bildirib.
Crossmedia.az saytı xarici mediaya istinadən xəbər verir ki, Baş nazirin bu açıqlaması Fransa Prezidenti Emmanuel Makrona qarşı tənqid kimi qiymətləndirilir. Bundan bir gün öncə Orban Aİ sammiti çərçivəsində Makronla görüş keçirmişdi.
Qeyd edək ki, Orban Aİ-nin Ukraynaya maliyyə yardımı ilə bağlı qərarını bloklamaq niyyətindədir. Buna cavab olaraq, Avropa İttifaqı Macarıstanın səsvermə hüququnu məhdudlaşdırmağı müzakirə edir.
Zeynəb Yunuszadə
17:43 06.03.2025
Oxunuş sayı: 907
