Elm və təhsil
Səsyazısı yayılan direktor vəzifəsindən azad edilib
Bakı şəhəri 231 nömrəli tam orta məktəbin direktoru müəllimlərə qarşı davranışı və yayılan səs yazısı ilə bağlı aparılan araşdırmadan sonra vəzifəsindən azad edilib.
Crossmedia.az xəbər verir ki, Məktəbəqədər və Ümumi Təhsil üzrə Dövlət Agentliyi tərəfindən aparılan araşdırma zamanı direktorun fəaliyyətində nöqsanlara yol verdiyi müəyyən edilib. Bununla bağlı müvafiq əmrlə onun vəzifəsinə xitam verilib.
Qurum vurğulayıb ki, təhsil müəssisələrində sağlam iş mühiti, şəffaflıq və vətəndaş etimadı əsas prioritetlərdəndir və bu sahədə neqativ hallara yol verilməsinə icazə verilməyəcək.
20:56 03.03.2025
Oxunuş sayı: 10444
