Qazaxıstanın Xəzər Texnologiya və Mühəndislik Universitetinin nümayəndə heyəti ADNSU-da olub
Martın 3-də Qazaxıstanın Ş.Yesenov adına Xəzər Texnologiya və Mühəndislik Universitetinin tədris işləri üzrə prorektoru Kayirbek Makulovun rəhbərlik etdiyi nümayəndə heyəti Azərbaycan Dövlət Neft və Sənaye Universitetinin (ADNSU) rektoru dosent Rüfət Əzizovla görüşüblər.
Crossmedia.az bu barədə ADNSU-dan məlumat verilib.
ADNSU-nun müvafiq fakültə dekanlarının və şöbə müdirlərinin də iştirak etdiyi görüşdə mövcud imkanlar çərçivəsində əməkdaşlıq əlaqələrinin inkişafından, birlikdə elmi-tədqiqat işlərinin aparılmasından və ortaq elmi layihələrin icrasından bəhs olunub. Həmçinin tələbə-müəllim mübadiləsi, beynəlxalq təcrübə proqramlarının tədrisdə tətbiq olunması kimi məsələlərlə bağlı fikir mübadiləsi aparılıb.
15:07 03.03.2025
Oxunuş sayı: 1182
