ABŞ Rusiya ilə Ukraynadakı vəziyyəti nizamlamağa hazırdır
Rusiya ilə növbəti danışıqlarda ABŞ Moskvanın Ukraynadakı münaqişənin həlli üçün nə etməyə hazır olduğunu müzakirə etməyi gözləyir.
Crossmedia.az xəbər verir ki, bunu ABŞ dövlət katibi Marko Rubio müsahibəsində deyib.
Onun sözlərinə görə, Ər-Riyadda keçirilən danışıqlarda Rusiya nümayəndələri açıq şəkildə bildiriblər ki, Moskva Ukraynadakı münaqişənin düzgün şərtlərlə bitməsində maraqlıdır:
“Biz bu şərtlərin nə olduğunu müzakirə etməmişik. Beləliklə, növbəti addım müəyyən bir mərhələdə onlarla yenidən görüşmək, lazımi insanları toplamaq və münaqişəyə son qoymaq üçün Rusiyadan nə tələb olunacağını müəyyənləşdirməyə başlamaqdır. Eyni sual Ukraynaya da veriləcək”.
Rubio əlavə edib ki, BMT Baş Assambleyasının qətnamələri Ukraynadakı münaqişənin həllinə kömək etmir.
09:04 25.02.2025
Oxunuş sayı: 9553
