Azərbaycanda hava şəraiti pisləşir: Məktəblərdə hansı halda tətil elan olunacağı açıqlandı
Bir neçə gündür ki, Azərbaycanda ənənəvi olmayan hava şəraiti müşahidə olunur. Fevralln 20-dən etibarən isə ölkə ərazisinı qar yağır. Artıq yollar buz bağlayıb.
Qonşu Türkiyədə də kəskin soyuqlar və qar müşahidə olunur. Bununla əlaqədər olaraq İstanbulun bəzi rayonlarında məktəblərdə tətil rlan edilib.
Oxşar halın Azərbaycanda tətbiqi ehtimalı barədə Crossmedia.az-a danışan təhsil eksperti İlqar Orucov hesab edir ki, hazırki durumda hava şəraiti o qədər əlverişsiz deyil: "Düşünmürəm ki, bu hava şəraiti təhsilin və fasilənin yaradılması üçün əsas ola bilər. Amma, əlbəttə ki, biz həm ayrı- ayrı ölkələrdə, həm də Azərbaycanda bu təcrübəni görmüşük. Əgər hava şəraiti şagirdlərin məktəbə gediş-gəlişi təhlükə yaradacaqsa, bu halda məktəblərin fəaliyyətində tədrisin müvəqqəti olaraq dayandırılması mümkün ola bilər. Amma hazırki durumda və reallıqda mən bunun üçün hər hansı bir əsas görmürəm".
Müsahibimizin sözlərinə görə, təhsilə fasilə verilməsi ilə bağlı qərar Ekogiya və Təbii Sərvətlər Nazirliyinin, Fövqaladə Hallar Nazirliyinin və Səhiyyə Nazirliyinin rəyi qəbul edilir.
Fatimə Məmmədova
16:52 21.02.2025
Oxunuş sayı: 14913
