Mərkəzçi Respublikaçılar aktivliyi artırıb
Elon Musk Trampın USAİD-i tamamilə ləğv etməsini təklif etsə də, Tramp bu ideyanı rədd edib. ABŞ dövlət katibi Marko Rubio USAİD-in tamamilə ləğvinə qarşı çıxıb. Rubio birbaşa Trampla bu istiqamətdə danışıqlar aparıb və onu inandıra bilib.
Tramp dünənki açıqlamasında USAİD layihəsini bəyəndiyini lakin təşkilatı radikal solçuların idarə etdiyini bildirib. Bu isə Trampın da təşkilatın fəaliyyətini Amerika prezident administrasiyasının nəzarətinə alınması şərti ilə davam etdirilməsinə razı olduğunu göstərir.
Rubio USAİD-in islahatların aparılması şərti ilə Amerika yumşaq gücünün bir parçası olaraq qalmasında israr edib. Rubionu isə Respublikaçıların əsas qərarverici senatorlarından olan Lindsay Qraham və Senatda Respublikaçı çoxluğun sədri Con Tun dəstəkləyib.
19:02 04.02.2025
Oxunuş sayı: 4150
