"ABŞ Zelenski ilə işləmək istəmir"- Ekspert
Rusiya-Ukrayna müharibəsi hələ də davam edir. Bəzi dövlətlər müharibə fonunda bu gərginlikdəm öz maraqları naminə istifadə etməyə çalışırar. Sülh çağırışı adı altında gizli məqsədlərini həyata keçirməyə cəhd edən dövlətlərin zaman keçdikcə həqiqi niyyətləri ifşa olur. Xüsusilə, ABŞ istədiyi strateji üstünlüyü əldə edə bilmədikdə, sülh "maskası" tamamilə düşdü və o, artıq fərqli mövqedən çıxış etməyə başladı.
ABŞ prezidenti Donald Trampın Ukrayna və Rusiya məsələləri üzrə xüsusi nümayəndəsi Kit Kellog müharibə zamanı seçkilərin keçirilməsinin demokratiya üçün nə qədər vacib olduğunu bildirib.
Mövzu ilə bağlı politoloq Vaqif Hüseyn Crossmedia.az saytına açıqlama verib:
“ABŞ-nin Ukraynada üzərindəki hakimiyyəti aşkardır. ABŞ prezidenti Donald Trampın ukraynalı həmkarı Volodimir Zelenski ilə bağlı başqa planları var idi. Amma, görünür, alınmayıb. Seçki keçirilməsi üçün əvvəlcə Ukrayna qanunvericiliyinin tələblərinə baxmaq lazımdır. Yəqin ki, yeni ABŞ rəhbərliyinin bu qanunvericilikdən xəbəri yoxdur. Ukraynanın hazırkı vəziyyətində seçki keçirmək olduqca çətindir. Görünür, ABŞ bunu nəzərə almadan Zelenskidən qurtulmaq niyyətindədir. Çünki şəhərləri bombalanan, əhalisinin yarısı olmayan və qalan yarısı müharibəyə cəlb olunan ölkədən seçkilər tələb etmək olduqca qəribədir. Belə çıxır ki, Zelenski ilə bundan sonra işləmək istəmirlər".
Analitikin sözlərinə görə, hazırkı situasiyada xüsusilə qeyd olunmalı bir nüans daha var: "ABŞ-nin Rusiya Prezidenti Vladimir Putinin tezislərini təkrarlaması xüsusi diqqət çəkir. Putin çıxışlarında Zelenskinin legitim olmamasını. Buna görə də hansısa müzakirənin aparılmadığını deyib. ABŞ, Rusiyanın bu bəhanəsinin qarşısını almaq üçün də bu addımı atmış ola bilər”.
Ayhan Ağarzayev
15:35 03.02.2025
Oxunuş sayı: 569
