Xırdalan sakinləri üçün ŞAD XƏBƏR
Bakı-Xırdalan-Sumqayıt və Bakı-Pirşağı-Sumqayıt dəmiryol xəttləri təkmilləşdiriləcək.
Crossmedia.az xəbər verir ki, bu barədə Prezident İlham Əliyevin təsdiq etdiyi "Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025–2030-cu illər üçün Dövlət Proqramı"nda deyilir
Dövlət Proqramına əsasən, MN, ETSN, DŞAK, AZCON, ADY, NƏŞ ilə birlikdə 2025−2027 illər ərzində Bakı-Xırdalan-Sumqayıt xəttinin təkmilləşdirilməsini təmin edəcəklər. İlkin olaraq Biləcəri-Yalama dəmir yolu xəttində elektrik təchizatı və rabitə-işarəvermə sisteminin yenidən qurulmasının layihəsmeta sənədlərinin və icra qrafikinin hazırlanması nəzərdə tutulur. Bundan sonra layihə-smeta sənədlərinə və icra qrafikinə uyğun ilkin olaraq Biləcəri-Xırdalan-Sumqayıt hissəsində yenidənqurma işlərinə başlanılması planlaşdırılır. Yekunda isə Biləcəri-Xırdalan-Sumqayıt dəmiryol xətlərində planlaşdırılan işlərin, o cümlədən dəyişən cərəyan dartı sisteminə keçidin icra qrafikinə uyğun tamamlanması, Bakı sərnişin-Biləcəri-Xırdalan-Sumqayıt dəmiryol xəttinin qatarburaxma, eləcə də sərnişindaşıma qabiliyyətinin artırılması, yeni dayanacaqların istismara buraxılması nəzərdə tutulur.
Bakı-Pirşağı-Sumqayıt xəttinin təkmilləşdirilməsi çərçivəsində MN, ETSN, AZCON, ADY, NƏŞ ilə birlikdə 2026−2028-ci illər ərzində Bakı sərnişin-Pirşağı-Sumqayıt dəmir yolu xəttində dəyişən cərəyana keçidin təmin olunması üçün elektrik təchizatı və rabitə-işarəvermə sisteminin yenidən qurulmasının layihəsmeta sənədlərinin və icra qrafikinin hazırlanmasını, layihə-smeta sənədlərinə və icra qrafikinə uyğun yenidənqurma işlərinə başlanılmasını və Bakı sərnişin-Pirşağı-Sumqayıt dəmiryol xətlərində planlaşdırılan işlərin, o cümlədən dəyişən cərəyan dartı sisteminə keçidin icra qrafikinə uyğun tamamlanmasını, dəmiryol xəttinin qatarburaxma, eləcə də sərnişindaşıma qabiliyyətinin artırılmasını, yeni dayanacaqların istismara buraxılmasını təmin etməlidirlər.
20:40 30.01.2025
Oxunuş sayı: 8170
