Dünya

Vaşinqtonda Donald Trampın andiçmə mərasimi keçirilib - YENİLƏNİB

23:20

ABŞ Prezidenti Donald Trampın andiçmə mərasimi başa çatıb.

Crossmedia.az xəbər verir ki, inauqurasiya mərasimində iştirak edən qonaqlar Kapitolidən ayrılıblar.

Cozef Bayden ənənəyə uyğun olaraq mərasimi helikopterlə tərk edib.

Baydenlə yanaşı, tədbirdə ABŞ-nin keçmiş prezidentləri Barak Obama, Corc Buş və Bil Klinton da iştirak ediblər.

********

21:00

Vaşinqtonda ABŞ-nin yeni seçilmiş prezident Donald Tramp və vitse-prezident Ceyms Devid Vensin andiçmə mərasimi başlayıb.

Crossmedia.az xəbər verir ki, mərasim Kapitoli binasında keçirilir.

**********
Vaşinqtonda ABŞ-nin yeni seçilmiş prezident Donald Tramp və vitse-prezident Ceyms Devid Vensin andiçmə mərasimi ilə bağlı son hazırlıq işlər gedir.

Yerli vaxtla saat 09:30-da (Bakı vaxtı ilə 18:30) Nebraska və Linkoln universitetlərinin birləşmiş xor kollektivlərinin çıxışları başlayıb. Bundan sonra mərasimin rəsmi hissəsi başlayacaq və əvvəlcə Vens and içəcək.

Daha sonra Tramp inauqurasiya nitqinə başlayacaq və və administrasiyasının növbəti dörd il üçün hədəflərini açıqlayacaq.

Trampın inauqurasiya nitqindən sonra səlahiyyət müddəti başa çatan Cozef Baydenin ənənəyə uyğun olaraq mərasimi helikopterlə tərk edəcəyi gözlənilir.

Yeni dövlət başçısı daha sonra prezident otağında bir sıra əsas sənədləri imzalayacaq.

İnauqurasiyada Tramp və Vens ailələrinin üzvləri, həmçinin vəzifəsini tərk edən Baydenlə həyat yoldaşı, vitse-prezident Kamala Harrislə əri iştirak edəcək. Bundan başqa, inauqurasiyaya ABŞ-nin keçmiş prezidentləri Barak Obama, Bill Klinton və Corc Buş qatılıb.(Report)