Dünya fond bazarlarında kəskin eniş
Noyabrın 5-də dünya fond bazarlarında əsasən mənfi dinamika qeydə alınıb. ABŞ-də bütün əsas indekslər kəskin geriləyib, Avropada qarışıq nəticələr müşahidə olunub, Asiya-Sakit okean regionunda isə eniş üstünlük təşkil edib.
Crossmedia.az xəbər verir ki, ABŞ-də “Dow Jones” indeksi 1 833,06 bənd və ya 3,44% azalaraq 51 523,06 bəndə düşüb. “S&P 500” indeksi 334,89 bənd və ya 4,36% geriləyərək 7 353,73 bəndə, “Nasdaq Composite” indeksi isə 1 421,51 bənd və ya 5,52% azalaraq 24 315,00 bəndə enib.
“NYSE Composite” indeksi 2,96% azalaraq 23 955,97 bənd, Kanadanın “S&P/TSX Composite” indeksi isə 2,03% geriləyərək 35 605,27 bənd təşkil edib.
Avropa fond bazarlarında qarışıq dinamika qeydə alınıb. “Euro Stoxx 50” indeksi 0,55% azalaraq 6 231,54 bəndə, Böyük Britaniyanın “FTSE 100” indeksi 0,43% geriləyərək 10 782,66 bəndə düşüb.
Almaniyanın “DAX” indeksi 0,43% azalaraq 26 325,01 bənd təşkil edib. Fransanın “CAC 40” indeksi 0,34% artaraq 8 205,37 bəndə, İspaniyanın “IBEX 35” indeksi isə 0,59% yüksələrək 19 486,00 bəndə çatıb.
Asiya-Sakit okean regionunda da əsas indekslər ucuzlaşıb. Yaponiyanın “Nikkei 225” indeksi 3 876,14 bənd və ya 6,35% azalaraq 57 201,76 bəndə, “TOPIX” indeksi isə 246,92 bənd və ya 6,27% geriləyərək 3 693,47 bəndə düşüb.
Honq-Konqun “Hang Seng” indeksi 1,06% azalaraq 24 533,33 bəndə, Çinin “CSI 300” indeksi isə 1,48% geriləyərək 4 052,48 bəndə enib.
Avstraliyanın “S&P/ASX 200” indeksi 0,83% azalaraq 8 990,10 bənd təşkil edib. Regionun ümumi “MSCI AC Asia Pacific” indeksi isə 0,10% geriləyərək 255,46 bəndə düşüb.
Analitiklərin qiymətləndirmələrinə görə, fond bazarlarında kəskin enişin əsas səbəblərindən biri texnologiya və süni intellekt sektorunda satışların güclənməsi olub. ABŞ-da aralıq seçkilərdən sonra məlumat mərkəzlərinin tikintisinə və süni intellekt sahəsinə tənzimləyici məhdudiyyətlərin artırılması ehtimalı investorların narahatlığını gücləndirib.
Bununla yanaşı, süni intellekt layihələrinə yatırılan böyük investisiyaların gəlirliliyi ilə bağlı şübhələr və bəzi yarımkeçirici istehsalçılarının maliyyə göstəriciləri texnologiya səhmlərinə əlavə təzyiq yaradıb. Nəticədə satışlar digər sektorlara da yayılıb.
09:51 06.11.2026
Oxunuş sayı: 72
