Xarici xəbərlər

Tramp: Ukraynada mülki insanlar ölür, amma Rusiyada da ölənlər var

ABŞ Prezidenti Donald Tramp Rusiyanın Ukraynada mülki əhaliyə qarşı hücumları ilə bağlı sualı cavablandırarkən Rusiyada da dinc sakinlərin həyatını itirdiyini bildirib.

Crossmedia.az xəbər verir ki, Tramp bu barədə noyabrın 5-də Ağ Evdə jurnalistlərə açıqlamasında danışıb.

Jurnalist ABŞ Prezidentindən Rusiya Prezidenti Vladimir Putinin Ukraynada yaşayış binalarına, avtobuslara və məktəblərə hücumları nəticəsində mülki şəxslərin öldürülməsi məsələsini Moskva ilə müzakirə edib-etmədiyini soruşub.

“Mən bu məsələni həmişə qaldırıram. Amma qarşı tərəfdən də danışıram, çünki onlar da insanları öldürürlər. Rusiyada da mülki şəxslər həyatını itirir. Bu, qanlı qırğındır”, – deyə Tramp cavab verib.

ABŞ Prezidenti müharibədə hər iki tərəfin ağır itkilər verdiyini vurğulayaraq qarşıdurmanın dayandırılmasının vacibliyini bildirib.

Tramp müharibənin yaxın zamanda başa çatdırılacağına ümid etdiyini də qeyd edib.

Mövzular:

Donald Tramp Vladimir Putin Ukrayna Rusiya ABŞ mülki əhali müharibə

🖨 Çap et

10:34 06.11.2026

Oxunuş sayı: 66