Rusiya XİN: ABŞ bizim dostumuz deyil, amma əməkdaşlığa hazırdır
ABŞ Rusiyanın ən yaxın tərəfdaşı olmasa da, Vaşinqton Moskva ilə praqmatik əsasda əməkdaşlıq etməyə hazırdır.
Crossmedia.az xəbər verir ki, Rusiyanın TASS agentliyi bu barədə ölkənin xarici işlər nazirinin müavini Aleksandr Pankinə istinadən məlumat yayıb.
Nazir müavini ABŞ ilə dizel yanacağına dair mümkün razılaşma barədə sualı cavablandırarkən Vaşinqtonun Rusiyaya qarşı sanksiyaları sərtləşdirməsinə baxmayaraq, müəyyən sahələrdə əməkdaşlıq imkanlarının mövcud olduğunu bildirib.
“ABŞ də bizim ən yaxın dostumuz deyil. Görürsünüz ki, sanksiyalar getdikcə sərtləşdirilir. Amma onlar praqmatikdirlər və bəzi məsələlərdə istəmədikləri addımları belə atmağın zəruriliyini anlayırlar”, – deyə Pankin vurğulayıb.
Xatırladaq ki, oktyabrın 9-da Rusiya Prezidenti Vladimir Putinlə ABŞ Prezidenti Donald Tramp arasında telefon danışığı olub. Danışıq zamanı neft məhsullarının tədarükü məsələsi də müzakirə edilib.
Putinin sözlərinə görə, Moskva ABŞ və dünya bazarlarına neft və neft məhsulları tədarük etməyə hazır olduğunu təsdiqləyib.
10:47 06.11.2026
Oxunuş sayı: 60
