Xarici xəbərlər

İsrail ordusundan açıqlama: HAMAS-ın iki komandiri öldürüldü

İsrail ordusu Qəzzada həyata keçirilən hədəfli zərbələr nəticəsində HƏMAS-ın iki komandirinin öldürüldüyünü açıqlayıb.

Crossmedia.az xəbər verir ki, İsrail ordusu bu barədə məlumat yayıb.

Məlumata görə, Xan Yunisdə Məhəmməd Əbdül Səlam əl-Yəzuri, Rəfahda isə snayper bölməsinin rəhbəri Muamən Cəbr əs-Seyid Əbu Ləbdə zərbələr nəticəsində öldürülüb.

Reuters-in məlumatına görə, HƏMAS-ın silahlı qanadı da Məhəmməd əl-Yəzurinin öldürüldüyünü təsdiqləyib. O, Xan Yunis briqadasının komandiri və təşkilatın ali rəhbərlik şurasının üzvü olub.

İsrail ordusunun açıqlamasına əsasən, zərbələr Qəzzanın müxtəlif ərazilərində HƏMAS-a qarşı əməliyyatlar çərçivəsində həyata keçirilib. Xəbərin digər detalları ilə bağlı tərəflərdən əlavə açıqlama verilməyib.

Mövzular:

HAMAS Qəzza Xan Yunis Rəfah

🖨 Çap et

13:44 12.09.2026

Oxunuş sayı: 44