ABŞ-da tornado: 2 nəfər ölüb, 6 nəfər yaralanıb
ABŞ-ın Texas və Missisipi ştatlarında baş verən bir neçə tornado nəticəsində 2 nəfər həyatını itirib, 6 nəfər xəsarət alıb.
Crossmedia.az xəbər verir ki, Texas ştatının meteoroloji xidmətləri və yerli hakimiyyət orqanlarının təsdiqlədiyi məlumatlara görə, təbii fəlakət şərq istiqamətində hərəkətini davam etdirir. ABŞ Milli Meteorologiya Xidməti tornadonun Alabama ştatından Corciya ştatına doğru hərəkət etdiyini qeydə alıb və Meksika körfəzi sahilləri daxil olmaqla, Corciyanın qərb bölgəsi və Floridanın şimal-qərb hissəsində güclü qasırğa və yeni tornado təhlükəsi ilə bağlı xəbərdarlıq edib.
Son məlumata görə, Texasın Liverpool bölgəsində bir nəfər həyatını itirib, daha dörd nəfər yaralanıb. Missisipidə isə bir nəfər dünyasını dəyişib, iki nəfər xəsarət alıb.
Bazar günü səhər saatlarında təxminən 80 min sakin işıqsız qalıb. Fövqəladə hallar xidmətləri təhlükəsizliyin təmin edilməsi və zərərçəkənlərin axtarışı ilə məşğuldur. Zərərlə bağlı rəsmi məlumatlar hələ təqdim olunmayıb, Fövqəladə Hallar Agentliyinin nümayəndəsi Malari Vayt bildirib.
Gültac Mehdizadə
16:15 29.12.2024
Oxunuş sayı: 4774
