Xarici xəbərlər

Danimarka ukraynalılar üçün yaşayış icazəsi qaydalarını sərtləşdirir

Danimarka hökuməti Ukraynanın daha təhlükəsiz hesab edilən 14 regionundan gələn şəxslərə yaşayış icazəsinin avtomatik verilməsini dayandırmağı planlaşdırır.

Crossmedia.az xəbər verir ki, "Ekstra Bladet" bu barədə məlumat yayıb. Danimarkanın İmmiqrasiya və İnteqrasiya naziri Morten Bodskov bildirib ki, məqsəd bələdiyyələrin üzərinə düşən yükü azaltmaqdır.

“Buna görə də hökumət münaqişədən ən az zərər çəkmiş regionlardan gələn şəxslərə yeni yaşayış icazələrinin verilməsini məhdudlaşdırmağı təklif edir”, - deyə nazir bildirib. Danimarkanın planlaşdırdığı dəyişikliklər Norveçin 2024-cü ildə tətbiq etdiyi qaydalara bənzəyir. Norveç həmin il Ukraynanın təhlükəsiz hesab edilən regionlarından gələn şəxslərə sığınacağın avtomatik verilməsini dayandırıb. Norveçin təhlükəsiz hesab etdiyi regionlar Lvov, Volın, Zakarpatye, İvano-Frankivsk, Ternopil və Rivne vilayətləri olub.

Mövzular:

Danimarka Ukrayna yaşayış icazəsi miqrasiya Morten Bødskov Ekstra Bladet Norveç sığınacaq

🖨 Çap et

15:29 23.08.2026

Oxunuş sayı: 50