Çində hər iki ayağı qopmuş kişi yenidən yeriməyə başlayıb
Çində istehsalat qəzası zamanı hər iki ayağı bud nahiyəsindən tamamilə qopmuş 51 yaşlı kişi mürəkkəb əməliyyatdan sonra yenidən ayaq üstə durmağa və yeriməyə başlayıb.
Crossmedia.az xəbər verir ki, “Yangtze Evening Post” bu barədə məlumat yayıb.
Soyadı Jiang olan xəstə 2 dekabr 2024-cü ildə Jiangsu əyalətindəki fabrikdə baş verən qəza nəticəsində hər iki ayağını bud nahiyəsindən itirib.
Suzhou Ruihua Ortopediya Xəstəxanasında aparılan və təxminən 8 saat davam edən əməliyyat zamanı ayaqların əsas qan damarları, sümükləri, sinirləri və digər toxumaları yenidən birləşdirilib.
Xəstəxananın məlumatına görə, bu, hər iki budun eyni vaxtda tam qopmasından sonra uğurlu replantasiyanın dünyada sənədləşdirilmiş ilk halıdır.
Aylarla davam edən müalicə və reabilitasiyadan sonra Jiang hazırda yerimə vasitəsinin köməyi ilə ev daxilində hərəkət edə və gündəlik işlərinin böyük hissəsini özü görə bilir. Ayaqlarının aşağı hissəsində hissiyyat da qismən bərpa olunub.
2025-ci ilin martında xarici fiksatorlar çıxarıldıqdan sonra o, yataqda hər iki ayağını qaldıra bilib. Martın 5-də xəstəxanadan evə buraxılan Jiangın reabilitasiyası davam etdirilib.
16:04 18.08.2026
Oxunuş sayı: 48
