Rusiyada əsgər çatışmazlığı ciddi şəkildə artır
Rusiya ordunun şəxsi heyətlə tamamlanması məsələsində ciddi çatışmazlıqla üzləşib.
Crossmedia.az xəbər verir ki, “The Guardian” nəşri məlumat yayıb.
Məlumata əsasən, Rusiyada müqaviləli hərbçilərin cəlb olunması sistemi kifayət qədər yeni əsgər təmin edə bilmir, maliyyə təşviqləri isə əvvəlki kimi lazımi sayda insanı orduya cəlb etməyə kifayət etmir.
Ekspertlərin qiymətləndirmələrinə görə, hazırda Rusiya ordusuna gündə təxminən 1 min nəfər qəbul edilir.
Bildirilib ki, ayda təxminən 30 min hərbçinin öldüyü və yaralandığı iddia olunan itkilər fonunda yeni cəlb olunan şəxslər əsasən itkilərin yerini doldurmaq üçün istifadə olunur və bu, genişmiqyaslı hücumlar üçün ehtiyat qüvvələrin yaradılmasına imkan vermir.
Nəşr qeyd edir ki, bu vəziyyət fonunda Rusiyada yenidən səfərbərlik elan edilməsi ehtimalı müzakirə olunur.
21:00 15.08.2026
Oxunuş sayı: 44
