Xarici xəbərlər

İran səfirinin paylaşımı Gürcüstanda qalmaqal yaratdı

İranın Gürcüstandakı səfiri Seyid Əli Məcani sosial şəbəkədə paylaşdığı görüntü və açıqlamalarla Gürcüstanda diplomatik narazılığa səbəb olub.

Crossmedia.az xəbər verir ki, “Gürcü arzusu” partiyasının nümayəndələri bu barədə açıqlama veriblər.

Diplomat “Facebook” səhifəsində Gürcüstan çariçası Ketevanın İrandakı səfirlik binasının üzərindəki təsvirini paylaşıb və onun şəxsiyyəti ilə bağlı apardığı araşdırmalardan danışıb.

Gürcüstan parlamentinin Xarici Əlaqələr Komitəsinin sədri Nikoloz Samxaradze səfirin diplomatik protokola riayət etməli və tarixi məsələlərə müdaxilə etməməli olduğunu bildirib.

Onun sözlərinə görə, məsələ Gürcüstanın xarici işlər naziri ölkəyə qayıtdıqdan sonra onunla müzakirə ediləcək. Hakim partiya Xarici İşlər Nazirliyinin rəsmi münasibət bildirməsini gözləyir.

🖨 Çap et

20:07 29.09.2026

Oxunuş sayı: 43