Xarici xəbərlər

İsrailin müdafiə naziri Türkiyəyə sərt xəbərdarlıq edib

İsrailin müdafiə naziri İsrael Kats Türkiyəyə ünvanladığı sərt bəyanatda İsrailin Suriyanın öz təhlükəsizliyi hesabına güclənməsinə imkan verməyəcəyini bildirib.

Crossmedia.az xəbər verir ki, bu barədə xarici KİV məlumat yayıb.

“Ərdoğanın Suriyanı bizə qarşı gücləndirməsinə imkan verməyəcəyik. İsrailin maraqlarını necə qorumağı yaxşı bilirik”, – deyə Kats bildirib.

Nazir qeyd edib ki, hazırda İsraillə Türkiyə arasında birbaşa hərbi qarşıdurma yoxdur və Təl-Əviv belə bir ssenarini istəmir. Bununla belə, o, Ankaranın “İsrailin qətiyyətini sınağa çəkməməli” olduğunu vurğulayıb.

Kats əlavə edib ki, İsraili qorxutmaq mümkün deyil və Türkiyə Prezidenti Rəcəb Tayyib Ərdoğana “İranın düşdüyü vəziyyətə düşməməyi, diqqətini Türkiyənin daxili məsələlərinə yönəltməyi” tövsiyə edib. Onun sözlərinə görə, İsrail öz maraqlarını bundan sonra da qətiyyətlə qoruyacaq.

🖨 Çap et

14:32 28.07.2026

Oxunuş sayı: 65