Rusiya- Ukrayna müharibəsinin nə zamana qədər davam edəcəyi açıqlanıb
Ukrayna sülh yolu ilə nizamlanmaya hazır olmadığı üçün Rusiya xüsusi hərbi əməliyyatı davam etdirəcək.
Crossmedia.az xəbər verir ki, bunu Rusiya Prezidentinin mətbuat katibi Dmitri Peskov bildirib.
O bildirib ki, Moskva qarşıya qoyduğu məqsədlərə sülh yolu ilə nail olmağa üstünlük verir. Lakin bunun üçün Kiyevin xoş niyyət nümayiş etdirməsi və mühüm qərarlar qəbul etməsi vacibdir.
Kremlin sözçüsü əlavə edib ki, Rusiya Silahlı Qüvvələri döyüş əməliyyatlarını davam etdirir və Rusiya tərəfinin "Donetsk Xalq Respublikası" adlandırdığı ərazilər də daxil olmaqla, nəzarəti genişləndirmək, həmçinin Ukrayna ilə sərhəddə bufer zona yaratmaq istiqamətində fəaliyyət göstərir.
14:21 07.07.2026
Oxunuş sayı: 57
