Çində torpaq sürüşməsi: 16 nəfər dağıntılar altında qalıb
Çinin Qansu əyalətində baş verən torpaq sürüşməsi nəticəsində azı 16 nəfər dağıntılar altında qalıb.
Crossmedia.az xəbər verir ki, bu barədə Çin Mərkəzi Televiziyası (CCTV) məlumat yayıb.
Məlumata görə, hadisə çərşənbə axşamı səhər saatlarında əyalətin Longnan şəhərində qeydə alınıb.
Hazırda hadisə yerində xilasedicilər, tibb işçiləri və hüquq-mühafizə orqanlarının əməkdaşları axtarış-xilasetmə əməliyyatlarını davam etdirirlər.
Yerli hakimiyyət orqanları təbii fəlakət zonasında yaşayan sakinlərin təxliyəsini və təhlükəsiz ərazilərə köçürülməsini təşkil edib.
Dağıntılar altında qalan şəxslərin xilas edilməsi istiqamətində əməliyyatlar davam edir.
10:47 07.07.2026
Oxunuş sayı: 50
