Polşa ukraynalı qaçqınlara dəstəyi azaldır: Yeni məhdudiyyətlər qüvvəyə mindi
Polşada 1 iyuldan etibarən ukraynalı qaçqınlar üçün yeni məhdudiyyətlər qüvvəyə minib.
Crossmedia.az bu barədə xarici mediaya istinadən xəbər verir.
Yeni qaydalara əsasən, kollektiv yerləşdirmə mərkəzlərində yaşayanların əksəriyyətinin xərcləri dövlət tərəfindən ödənilməyəcək.
Hakimiyyət bu qərarı onunla əsaslandırır ki, ukraynalıların böyük hissəsi artıq işləyir və özünü təmin edə bilir.
Bununla belə, pulsuz yaşayış yalnız müəyyən kateqoriyalara saxlanılacaq: əlillər, hamilə qadınlar, Polşada pensiya və ya yaxın qohumu olmayan yaşlı insanlar.
Mərkəz rəhbərlərinin qiymətləndirməsinə görə, dəyişikliklər hazırkı sakinlərin təxminən 40%-nə təsir edəcək. Xüsusilə tək uşaqlı anaların çətin vəziyyətə düşəcəyi bildirilir. Hüquq müdafiəçiləri isə bəzi ailələrin kirayə xərclərini qarşılaya bilmədiyi üçün evsiz qalma riskinin olduğunu xəbərdarlıq edirlər.
Polşa hökuməti ən çətin halların fərdi qaydada nəzərdən keçiriləcəyini açıqlayıb. Bundan əlavə, uşaqların bu mərkəzlərdə ödənişsiz qalmaq hüququnu təmin edəcək yeni qanunvericilik dəyişiklikləri hazırlanır.
Ailə, Əmək və Sosial Siyasət naziri Agnieszka Dziemianowicz-Bąk isə bildirib ki, ehtiyacı olan heç kim yardımsız qalmayacaq.
20:44 02.07.2026
Oxunuş sayı: 50
