Xarici xəbərlər

Sorğular ŞOK NƏTİCƏ verdi: Paşinyanın partiyası liderdir, amma...

Ermənistanda keçirilən son ictimai rəy sorğularının nəticələrinə əsasən, baş nazir Nikol Paşinyan rəhbərlik etdiyi “Vətəndaş Müqaviləsi” partiyası 25–28% dəstək ilə öndə qərarlaşıb və parlamentdə 106 yerdən təxminən 71 mandat qazana biləcəyi ehtimal olunur.

Crossmedia.az Rusiya KİV-ə istinadən xəbər verir ki, buna baxmayaraq, partiyanın konstitusion çoxluq əldə etməsi qeyri-müəyyən olaraq qalır.

Məlumata görə, “Güclü Ermənistan” bloku (Samvel Karapetyan) 12–18% səs göstəricisi ilə ikinci sırada yer alır. Digər siyasi qüvvələr, o cümlədən keçmiş prezident Robert Köçəryan tərəfindən dəstəklənən bloklar geridə qalsa da, parlamentdə fraksiya formalaşdıraraq Paşinyan hökuməti üçün çətinlik yarada biləcəkləri istisna edilmir.

Sorğular, həmçinin Ermənistan cəmiyyətində geosiyasi bölünməni də ortaya qoyur. Gənc seçicilər daha çox Avropa inteqrasiyasını dəstəklədiyi halda, 40 yaşdan yuxarı əhali Rusiya ilə əlaqələrin qorunmasını üstün tutur. Ermənistan-da Rusiya ilə əməkdaşlığın iqtisadi faydaları geniş qəbul edilsə də, siyasi mübahisələr və narazılıqların davam etdiyi bildirilir.

🖨 Çap et

17:15 15.05.2026

Oxunuş sayı: 274