Xarici xəbərlər
Zelenski: Belə Rusiya ilə normallaşma mümkün deyil
Ukrayna Prezidenti Volodimir Zelenski bildirib ki, son 24 saat ərzində Rusiya Ukraynaya qarşı genişmiqyaslı hücum həyata keçirib.
Crossmedia.az bu barədə xarici mediaya istinadən xəbər verir.
Onun sözlərinə görə, hücum zamanı təxminən 700 dron və raket, o cümlədən 19 ballistik raket istifadə olunub və zərbələrin əksəriyyəti Kiyevi hədəfə alıb. Hava hücumundan müdafiə qüvvələri 636 dronu və bir sıra raketləri zərərsizləşdirə bilib, lakin bəzi zərbələrin qarşısını almaq mümkün olmayıb.
Hücumlar nəticəsində Odessa, Kiyev və Dnepr şəhərlərində, o cümlədən 12 yaşlı uşaq da daxil olmaqla, ölənlərin olduğu, təxminən 100 nəfərin yaralandığı bildirilib.
Zelenski hava hücumundan müdafiənin gücləndirilməsi üçün Almaniya, Norveç və İtaliyaya təşəkkür edib, əlavə təchizatla bağlı isə Niderland ilə iş aparıldığını qeyd edib.
Ukrayna lideri vurğulayıb ki, mövcud şəraitdə Rusiya ilə münasibətlərin normallaşması mümkün deyil və tərəfdaş ölkələri əvvəl verilmiş vədləri, xüsusilə Patriot hava hücumundan müdafiə sistemi üçün raketlərin tədarükünü sürətləndirməyə çağırıb.
14:57 16.04.2026
Oxunuş sayı: 69
