Fransa raket ehtiyatlarını artırır
Fransa 2030-cu ilə qədər raket və pilotsuz uçuş aparatları ehtiyatlarını əhəmiyyətli dərəcədə artırmağı planlaşdırır.
Crossmedia.az xəbər verir ki, bu barədə "Politico" məlumat yayıb.
Bildirilir ki, gələn həftə Fransa hökuməti dron və raket proqramları üçün 8,5 milyard avro ayrılmasını nəzərdə tutan yenilənmiş qanun layihəsini təqdim edəcək.
Bu addım müharibə iqtisadiyyatına hazırlıq strategiyasının bir hissəsi kimi qiymətləndirilir.
Plan çərçivəsində kamikaze dronlarının sayı 400%, AASM Hammer hava bombaları 240%, Aster missile və MICA missile sistemləri isə 30% artırılacaq.
Eyni zamanda, ölkənin müdafiə büdcəsinin 2027-ci ildəki 63,3 milyard avrodan 2030-cu ilə qədər 76,3 milyard avroya yüksəldilməsi planlaşdırılır.
18:55 04.04.2026
Oxunuş sayı: 45
