İran İsrailə raket zərbələri endirir : Hava hücumundan müdafiə sistemləri işə düşüb
Bu gün səhər saatlarından etibarən İran tərəfindən İsrail ərazisinə ardıcıl raket zərbələrinin endirildiyi bildirilir.
Crossmedia.az bu barədə xarici mediaya istinadən xəbər verir.
Məlumatlara görə, hücumlar fasilələrlə davam edir və bölgədə gərginlik xeyli artıb. Hadisə ilə bağlı açıqlama verən İsrail Müdafiə Qüvvələri (İDF) qeyd edib ki, İran tərəfindən atılan raketlərin əksəriyyəti ölkənin hava hücumundan müdafiə sistemləri tərəfindən zərərsizləşdirilir.
Rəsmi mənbələr bildirir ki, müdafiə sistemləri operativ şəkildə işə salınıb və mümkün təhlükələrin qarşısının alınması istiqamətində tədbirlər davam etdirilir. Bununla yanaşı, əhali üçün təhlükəsizlik xəbərdarlıqları edilib və bəzi ərazilərdə sığınacaqlardan istifadə tövsiyə olunub.
Hazırda hadisənin miqyası və mümkün nəticələri ilə bağlı əlavə məlumatlar gözlənilir. Regionda vəziyyətin gərgin olaraq qaldığı bildirilir.
09:49 19.03.2026
Oxunuş sayı: 49
