Qərb ölkələrində narahatlıqlar artır ki, İranın xaricdəki gizli şəbəkələri Əli Xameneyinin ölümündən sonra aktivləşə bilər.
Crossmedia.az bu barədə "ABC News" a istinadən xəbər verir ki, ABŞ təhlükəsizlik orqanları İran hakimiyyətinin Xameneyinin öldürülməsindən sonra xaricdəki casuslarına kodlaşdırılmış mesaj göndərdiyini ehtimal edir.
Rəsmilər bildirir ki, mesaj xaricdə yerləşdirilmiş “yatmış agentləri” aktivləşdirmək və ya onlara yeni tapşırıqlar göndərmək məqsədi daşıya bilər. Bu şəxslər uzun müddət gizli fəaliyyət göstərdikdən sonra xüsusi əmrlərlə işə cəlb olunur.
Məlumata görə, şifrəli mesajlar radio vasitəsilə ötürülüb və bəzi Qərb ölkələrində fəaliyyət göstərən İran casuları üçün təlimatları ehtiva edə bilər.
