Türkiyənin vitse-prezidenti: TDT çərçivəsində birgə fəaliyyət və dövlətlərarası koordinasiyanın gücləndirilməsi vacibdir
Türk dünyasının üzləşdiyi regional və qlobal proseslər fonunda Türk Dövlətləri Təşkilatı (TDT) çərçivəsində birgə fəaliyyət və dövlətlərarası koordinasiyanın gücləndirilməsi vacibdir.
Crossmedia.az xəbər verir ki, bu barədə Türkiyənin vitse-prezidenti Cevdet Yılmaz Ankarada TDT-nin Baş katibi Kubanıçbek Ömüralıyevlə görüşündə bildirib.
C.Yılmaz tezliklə Azərbaycanda keçiriləcək TDT-yə üzv dövlətlərin hökumət başçılarının/vitse-prezidentlərinin ikinci görüşündə gözlənilən iştirakından məmnunluğunu ifadə edib. “Gələn ay Bakıda keçiriləcək görüşdə iştirak etməkdən səmimi-qəlbdən məmnunam. Biz həmçinin Şimali Kipr Türk Cümhuriyyətinin Baş naziri Ünal Üstelin Azərbaycana dəvətini Türk dünyasında həmrəylik və qardaşlığın təzahürü kimi qəbul edirik”, - deyə vitse-prezident qeyd edib.
O, həmçinin Ankaranın Türk dünyasında birlik, həmrəylik və rifah kimi ortaq məqsədlərə çatmaq üçün qətiyyətli səylər göstərməyə davam edəcəyinə əminliyini ifadə edib.
09:30 11.03.2026
Oxunuş sayı: 49
